विज्ञानको कक्षा सुरु भएको थियो । मलाई विज्ञान बिषय सारै मन पर्ने , त्यसैले म आफ्नो पूरा ध्यान सरको शब्दहरुमा दिइरहेको थिए । उहाँ ध्वनिको बिषयमा बोल्दै हुनुहुन्थ्यो । ध्वनि उर्जा हो र यो परिवर्तन मात्र हुन्छ , नाश हुदैन भनेर भन्दै हुनुहुन्थ्यो । मैले प्रश्न गरे ” हामीले बोलेको सबै कुरा परिवर्तन मात्र भएको हो भने , अहिले हावामा हराएको कुरा पछि फेरि सुन्न सकिन्छ ? ” अहिले त्यसो गर्न सकिएको छैन तर भविष्यमा नसकिएला भन्न सकिँदैन । अहिले तिमीहरुले बोलेको कुरा आउदो पुस्ताले सुन्न पनि सक्छ । हाम्रो पुर्खाले त यस्तो यस्तो भनेका रहेछन् भनेर उनिहरुले सुन्न पनि सक्छन् । विज्ञानमा धेरै सम्भावना हुन्छ । बत्ती , रेल मोबाइलहरु पनि त्यस्तै एक सम्भावना मात्र त थियो । पछि वैज्ञानिकहरुले आविष्कार गर्नु भयो । अहिले हामीलाई यी कुरा सामान्य लाग्छ । त्यसैले बोल्दा होस पुर्याउनु पर्छ । जे पाए त्यही बोल्नु हुदैन । मलाई सरको कुरा सुने पछि , अहो मैले त धेरै कुरा चाहिने नचाहिने बोलेको छु । त्यो पछि कसैले सुन्यो भने के गर्ने भन्ने बिचारहरु आउन थाल्यो । त्यसपछि केही नराम्रो कुरा बोल्न लाग्दा , यहि कुरा आउने गर्थ्यो । त्यसरी नराम्रो बोल्ने बानी केहि यसरी पनि कम भएछ ।
दियालो मासिक 