रुची र समयको बहाव

रुचि- आफूलाई पाउनु पनि हो,
रुचि- स्वयंलाई चिन्नु पनि हो,
तर,
समय बगिरहन्छ …. बगिरहन्छ ….
समयको बहाव सँगै
रुचि पनि फेरिरहन्छन् …. फेरिरहन्छन् ….
कहिले सेतोमा- रुचि,
कहिले कालोमा- रुचि,
कहिले रातोमा- रुचि
कहिले केमा …. ?
कहिले केमा …. ?
तर,
आज समय स्थिर भएको छ,
समयसँगै रुचि पनि स्थिर भएका छन्,
यसैले स्थिर समयलाई
त्यही रुचिमा घोलिरहन्छु …. घोलिरहन्छु …
कहिले कवितामा रुचिलाई कोरी दिन्छु….
कहिले ध्यानमा रुचिलाई हराउन दिन्छु….
कहिले तिमीलाई अहोभावले सुनीरहन्छु….
कहिले अस्पष्ट शब्दहरु बोल्न खोज्छु….
२४ घण्टाको समय भनिन्छ
तर कहाँ अल्झु खै… ?
छैन समय…
तीमी बहाना भन्छौ
हो,
बहाना नै भएपनि,
समयभित्र त्यही रुचिहरु घोलिरहन्छु…..घोलिरहन्छु……. ।

Author: Rama Dulal

Trust in Yourself. Never lose yourself. Truth is one. Always think Positive then Life is wonderful, Pretty & joyful!! Now I am searching myself, looking at myself & listening to myself!! View all posts by Rama Dulal