उषासँगै सत्संगले चुम्दा धरती,
नवजीवनले गर्छ अभिनन्दन।
पवनको सुषमा गुञ्जन्छ मनमा,
नवयुगको सुनिन्छ स्पन्दन।
तिम्रो स्पर्शले खुल्छन् कलिका,
गुँडबाट निस्कन्छ चञ्चल पंछी।
सरिता झनै मुस्काउँछ नाच्दै,
स्वर्णिम ज्योति छर्दै अञ्जली।
मौन प्रभातको सुन्दर रहस्य,
शीतको मोती बर्सिन्छ मनमा।
निर्मल हृदयमा उमङ्ग जगाई,
शुद्धताको गीत गुञ्जन्छ गगनमा।
कान्तिकी कोमल देवी उषा
र अनुपम स्वामीको छायाँ।
जागृत गरि हाम्रो चेतनालाई,
प्रेम, भक्ति, शान्ति बन्दैछ यहाँ।
दियालो मासिक 