गर्न पाउनुको आनन्द

एआईलाई थाँति राखी
तिम्रै गीतमा नाच्न पाउनुको आनन्द
प्रत्येक हरफहरूमा तिमिसँगै अँगालिएर
कोरिन पाउनुको आनन्द
निर्दाेष पुञ्जुहरुले कानै छेऊ
खुसुक्क घुरिदिँदाको आनन्द
सागका पातहरु हतारमा खानपाउँदा
खरायोका चञ्चले आँखाले
अर्पण गरिरहेको धन्यवादमा आनन्द
कान्लाहरुमा बहुलक्षण भई डोलाइरहेका
प्रकृतिका छटाहरुमा रम्न पाउनुको आनन्द
सनराईजको प्रतिक्षामा
बार्दलीबाट चिह्याइरहने प्यासी हुनको आनन्द
आहा भान गराउन बादलले फेरिरहने
आकारमा रम्न पाउनुको आनन्द
तिम्रा कुरुसहरुले तँछाडमछाड गरि
धागालाई गँठ्याउन पाउनुको आनन्द
इन्द्रेणीसँग पैँचो मागी
अनेक रंगका आकारहरुले बेरिन पाउनुको आनन्द
बच्चालाई खुवाउँदा सँगसँगै आमाका ओठ खेलिरहे झैँ
हरेक बुट्टाहरुमा गर्न पाउनुको आनन्दमा
लडिबुडी गर्ने साथीलाई देख्न पाउनुको आनन्द
आवश्यक्तामा सेवादिन पाउनु र
आँफूले केहि गरिरहन पाउनुको आनन्द 🪔🙏